ممبئی (لارڈ میڈیا): بھارتی کرکٹر ویرات کوہلی اور ان کی اہلیہ اداکارہ انوشکا شرما نے ممبئی کے علاقے ورسوا میں ایک لگژری اپارٹمنٹ خریدا ہے۔ یہ اپارٹمنٹ گوڈریج اسکائے شور رہائشی منصوبے میں 2,644 مربع فٹ پر محیط ہے اور اس کی قیمت 18.29 کروڑ روپے بتائی گئی ہے۔
پراپرٹی رجسٹریشن دستاویزات کے مطابق یہ اپارٹمنٹ عمارت کی بالائی منزلوں میں واقع ہے اور اس کے ساتھ 316 مربع فٹ کا اضافی خصوصی حصہ اور تین پارکنگ اسپیسز بھی شامل ہیں۔
دستاویزات کے مطابق اپارٹمنٹ کی قیمت تقریباً 69,159 روپے فی مربع فٹ بنتی ہے، جو ممبئی کے مغربی مضافاتی علاقوں میں لگژری پراپرٹی کی بڑھتی ہوئی طلب کو ظاہر کرتی ہے۔
یہ نئی جائیداد بھارت میں ویرات کوہلی اور انوشکا شرما کی متعدد قیمتی جائیدادوں میں ایک اور اضافہ ہے۔
دلچسپ بات یہ ہے کہ اداکارہ تبو نے بھی رواں برس اسی گوڈریج اسکائے شور منصوبے میں 2,153 مربع فٹ کا اپارٹمنٹ تقریباً 10 کروڑ روپے میں خریدا تھا۔
