لاہور (لارڈ میڈیا): آزاد کشمیر قانون ساز اسمبلی کے انتخابات کے لیے سیاسی جماعتوں کے درمیان جوڑ توڑ میں تیزی آ گئی ہے۔ استحکام پاکستان پارٹی اور مرکزی مسلم لیگ نے لاہور کی مہاجرین کی دو نشستوں پر مشترکہ امیدواروں کی حمایت کا اعلان کیا ہے۔ دونوں جماعتوں نے کہا ہے کہ وہ کشمیر کاز، دو قومی نظریے اور پاکستان کے استحکام کے لیے مل کر انتخابات لڑیں گی۔
رانا نذیر احمد، صدر آئی پی پی پنجاب نے اس موقع پر مرکزی مسلم لیگ کی قیادت کا شکریہ ادا کرتے ہوئے کہا کہ ان کا اور مسلم لیگ کا نظریہ ایک ہے اور دونوں جماعتیں پاکستان کی سلامتی پر یقین رکھتی ہیں۔ انہوں نے مزید کہا کہ ہمارا اتحاد خاندانی سیاست کے خلاف ہے اور پاکستان کو چند خاندانوں کی جاگیر نہیں بننے دیا جائے گا۔
رانا نذیر احمد نے امید کا اظہار کیا کہ اللہ تعالیٰ دونوں نشستوں پر کامیابی عطا کرے گا اور کہا کہ شہداء کی قربانیاں ان کے لیے محترم ہیں اور ان کی تنقید یا تضحیک ناقابلِ قبول ہے۔ پاکستان کی ترقی و استحکام کے لیے ان کی جدوجہد جاری رہے گی۔
