ممبئی (لارڈ میڈیا): بالی ووڈ کے معروف اداکار عامر خان نے اپنی دیرینہ دوست گوری اسپرٹ سے شادی کرلی ہے۔ یہ تقریب ممبئی میں عامر خان کے گھر پر سادہ اور محدود پیمانے پر منعقد کی گئی۔ تقریب میں امبانی خاندان، ہدایتکار اشوتوش گوواریکر اور دیگر فلمی شخصیات بھی شامل ہوئیں۔
شادی کی تقریب کو نجی رکھا گیا اور تقریباً 100 سے 150 قریبی عزیز و اقارب اور دوستوں کو مدعو کیا گیا تھا۔ عامر خان کے بچے جنید خان، ایرا خان اور آزاد راؤ خان بھی اس تقریب میں شریک ہوئے، جبکہ گوری اسپرٹ کا بیٹا بھی موجود تھا۔
یہ شادی عامر خان کی زندگی کا نیا باب ہے۔ اس سے قبل وہ رینا دتہ سے شادی کر چکے تھے، جن سے 2002 میں علیحدگی ہو گئی۔ بعد ازاں انہوں نے کرن راؤ سے 2005 میں شادی کی، جو 2021 میں ختم ہوئی۔
عامر خان اور گوری اسپرٹ گزشتہ 25 برس سے ایک دوسرے کو جانتے ہیں، تاہم ان کا قریبی تعلق تقریباً دو سال قبل ہوا۔ عامر خان نے اپنی 60ویں سالگرہ کے موقع پر اس رشتے کو عوام کے سامنے ظاہر کیا تھا۔
گوری اسپرٹ نے یونیورسٹی آف آرٹس لندن سے فیشن، اسٹائلنگ اور فوٹوگرافی کی ڈگری حاصل کی ہے اور وہ ایک پروفیشنل ہیئر ڈریسر بھی ہیں۔ فی الحال وہ عامر خان کے پروڈکشن ہاؤس میں کام کر رہی ہیں۔
