اسلام آباد (لارڈ میڈیا): صدر مملکت آصف علی زرداری نے امریکی صدر ڈونلڈ ٹرمپ کو امریکہ کی آزادی کے 250 سال مکمل ہونے پر دلی مبارکباد دی ہے۔ ایوان صدر کے بیان میں انہوں نے امریکی عوام کی جدت، آزادی، جمہوریت اور مساوی مواقع کی تعریف کی ہے۔ صدر زرداری نے صدر ٹرمپ کو پاکستان کے دورے کی دعوت بھی دی ہے۔
صدر زرداری نے کہا کہ امریکی عوام کے کارناموں نے دنیا کی ترقی میں اہم کردار ادا کیا ہے۔ انہوں نے پاکستان اور امریکا کے تعلقات کو باہمی احترام اور مشترکہ مفادات پر استوار قرار دیا۔ امریکی پاکستانی برادری کی خدمات کو دونوں ممالک کے تعلقات میں اہم قرار دیا۔
صدر مملکت نے کہا کہ پاکستان اور امریکا کے تعلقات مثبت سمت میں آگے بڑھ رہے ہیں اور انہوں نے توانائی، تجارت، دفاع اور دیگر شعبوں میں تعاون کی اہمیت پر زور دیا۔
صدر زرداری نے کہا کہ ایک مضبوط پاک-امریکا شراکت داری علاقائی امن میں اہم کردار ادا کرتی ہے۔ انہوں نے گزشتہ سال صدر ٹرمپ کی ثالثی کو سراہا جس نے دو ایٹمی ریاستوں کے درمیان جنگ بندی میں مدد دی۔
انہوں نے ایران کے ساتھ مذاکرات میں پاکستان کے کردار پر امریکا کے اعتماد کو سراہا اور کہا کہ پائیدار حل مذاکرات اور سفارت کاری سے ہی ممکن ہے۔
