بیجنگ (شِنہوا) کمیونسٹ پارٹی آف چائنہ (سی پی سی) کی مرکزی کمیٹی کے جنرل سیکرٹری شی جن پھنگ نے کہا ہے کہ سی پی سی ایسی اعلیٰ روایات اور خصوصیات کی حامل ہے جن کی مثال دیگر سیاسی جماعتوں میں نہیں ملتی۔
شی جن پھنگ، جو چین کے صدر اور مرکزی فوجی کمیشن کے چیئرمین بھی ہیں، نے یہ بات کمیونسٹ پارٹی آف چائنہ کے قیام کی 105ویں سالگرہ کے موقع پر منعقدہ تقریب سے خطاب کرتے ہوئے کہی۔
شی جن پھنگ نے کہا کہ سی پی سی ہمیشہ حقائق کی تلاش اور درست راستے پر گامزن رہنے کے اصول پر قائم ہے۔
ان کا کہنا تھا کہ پارٹی عوام سے گہرا تعلق رکھتی ہے اور اسی وجہ سے اس کی جڑیں مضبوط اور مستحکم ہے۔
شی جن پھنگ نے کہا کہ سی پی سی اپنے تاریخی فرائض کو جرات کے ساتھ پورا کرتی ہے اور ہمیشہ حالات پر اپنی مضبوط گرفت برقرار رکھتی ہے۔
انہوں نے کہا سی پی سی ترقی کے تقاضوں کے مطابق آگے بڑھتی ہے اور ہمیشہ زمانے کے ساتھ آگے رہتی ہے۔
انہوں نے کہا کہ پارٹی میں مشکلات کا مقابلہ کرنے اور کامیابی حاصل کرنے کی مکمل صلاحیت اور اعتماد موجود ہے۔
شی جن پھنگ نے کہا کہ سی پی سی مسلسل اپنی اصلاح اور بہتری پر توجہ دیتی ہے اور ہمیشہ متحرک اور پرجوش رہتی ہے۔
