شہر (لارڈ میڈیا): واٹس ایپ نے اینڈرائیڈ صارفین کیلئے دو نئے فیچرز متعارف کرانے کا اعلان کیا ہے۔ Wabetainfo کی رپورٹ کے مطابق، یہ فیچرز ٹریکنگ پورٹل اور منیجنگ چیٹ بیک اپس ہیں، جن کی آزمائش بیٹا ورژن میں جاری ہے۔ ٹریکنگ پورٹل فیچر سے صارفین کو یہ معلوم ہوگا کہ ان کا کونسا کانٹیکٹ آن لائن ہے، جو سبز رنگ کے ڈاٹ سے ظاہر ہوگا۔ صارفین اپنے آن لائن اسٹیٹس کو پرائیویسی سیٹنگز کے ذریعے چھپا بھی سکیں گے۔ یہ فیچر فیس بک اور انسٹاگرام کی طرح کے آن لائن انڈیکٹر سے مشابہت رکھتا ہے۔
رپورٹ میں کہا گیا ہے کہ واٹس ایپ بیک اپ منیجمنٹ سیکشن کی بھی آزمائش کر رہا ہے، جو صارفین کو ماضی کے بیک اپس کو دیکھنے، ڈیلیٹ کرنے اور ڈپلیکیٹ بنانے میں مدد فراہم کرے گا، جس سے اسٹوریج اسپیس کو صاف کیا جا سکے گا۔ یہ فیچر ابھی ابتدائی مراحل میں ہے اور بیٹا صارفین کو بھی دستیاب نہیں، مگر مستقبل میں گوگل ڈرائیو اسٹوریج کا شارٹ کٹ اس میں شامل کیا جائے گا۔
