جنیوا (شِنہوا) سوئس وزارت خارجہ نے جمعرات کو کہا ہے کہ امریکہ اور ایران جمعہ کے روز سوئٹزرلینڈ کے پہاڑی تفریحی مقام برگن سٹاک میں اپنی طے شدہ ملاقات کا ارادہ رکھتے ہیں، جہاں دونوں ممالک کے درمیان معاہدے پر عملدرآمد کے ابتدائی مذاکرات ہوں گے۔
سوئس وزارت خارجہ نے ایک بیان میں کہا ہے کہ اس ملاقات میں ثالثی کرنے والے ممالک پاکستان اور قطر سمیت دیگر متعلقہ ممالک بھی شرکت کریں گے۔
بیان میں کہا گیا ہے کہ سوئٹزرلینڈ امریکہ اور ایران کے درمیان مفاہمت کی یادداشت پر دستخط کا خیرمقدم کرتا ہے اور اسے خطے میں کشیدگی کم کرنے کی جانب ایک اہم قدم قرار دیا ہے۔
بیان میں مزید کہا گیا ہے کہ اس وقت اجلاس کے ایجنڈے اور تفصیلات کے بارے میں مزید معلومات فراہم نہیں کی جا سکتیں۔
