بینگکاک (لارڈ میڈیا): تھائی لینڈ کی شہزادی بجراکیتیابھا، بادشاہ ماہا وجرالونگ کورن کی بڑی صاحبزادی، 47 برس کی عمر میں انتقال کر گئی ہیں۔ تھائی شاہی محل نے تصدیق کرتے ہوئے کہا ہے کہ وہ چار سال سے کومے کی حالت میں زیر علاج تھیں۔
شہزادی بجراکیتیابھا کو دسمبر 2022 میں اچانک دل کے عارضے کی وجہ سے بے ہوشی کا سامنا کرنا پڑا تھا، جس کے بعد انہیں اسپتال منتقل کیا گیا۔
حالیہ ہفتوں میں ان کی صحت مزید بگڑ گئی اور متعدد انفیکشنز اور اعضا کی پیچیدگیوں کی وجہ سے ان کی حالت نازک ہو گئی تھی۔
شہزادی بجراکیتیابھا کو تھائی لینڈ میں قانون، سفارت کاری اور سماجی خدمات میں نمایاں کردار کے لیے جانا جاتا تھا۔ انہوں نے خواتین قیدیوں کے حقوق کے لیے بھی کام کیا۔
شاہی محل کے مطابق ان کی آخری رسومات روایتی شاہی اعزازات کے ساتھ ادا کی جائیں گی اور میت کو عوامی تعزیت کے لیے گرینڈ پیلس میں رکھا جائے گا۔
