نیویارک (لارڈ میڈیا): اقوام متحدہ کی جنرل اسمبلی نے آسٹریا، کرغزستان، پرتگال، ٹرینیڈاڈ، ٹوباگو اور زمبابوے کو اقوام متحدہ کی سلامتی کونسل میں دو سالہ مدت کیلئے منتخب کرلیا ہے۔ ان کی رکنیت یکم جنوری 2027 سے شروع ہوگی۔
جرمنی نے ایک نشست کیلئے سخت لابنگ کی لیکن وہ 104 ووٹوں کے ساتھ تیسرے نمبر پر رہا جبکہ پرتگال کو 134 اور آسٹریا کو 131 ووٹ ملے۔
ایشیا پیسیفک گروپ کی نشست کیلئے فلپائن اور کرغزستان کے درمیان مقابلہ ووٹنگ کے چار راؤنڈ تک جاری رہا۔ کرغزستان نے بالآخر 49 کے مقابلے 142 ووٹوں سے ضروری دو تہائی اکثریت حاصل کر کے اپنی پہلی نشست حاصل کی۔
سلامتی کونسل اقوام متحدہ کا واحد ادارہ ہے جو پابندیاں لگانے اور طاقت کے استعمال کی اجازت جیسے قانونی طور پر پابند فیصلے کر سکتا ہے۔ اس کے پانچ مستقل ویٹو والے ارکان ہیں: برطانیہ، چین، فرانس، روس اور امریکا۔
باقی 10 ممبران منتخب کیے جاتے ہیں جن میں ہر سال پانچ نئے ممبر شامل ہوتے ہیں۔
