نئی دہلی (لارڈ میڈیا): بھارت میں نوجوانوں کی تحریک زور پکڑنے کا خدشہ ظاہر کیا جا رہا ہے، جس کی وجہ سے مودی حکومت کی غلط پالیسیاں تنقید کی زد میں ہیں۔ بھارتی نوجوانوں نے نئی دہلی میں احتجاج کی کال دی ہے، جو کہ کاکروچ پارٹی کی جانب سے منظم کی جارہی ہے۔ پارٹی کے بانی ابھیجیت دِپکے نے کہا ہے کہ وہ بھارت آ کر اس تحریک کو آگے بڑھائیں گے، حالانکہ انہیں ایئرپورٹ پر ہی گرفتار کیے جانے کا خطرہ ہے۔
نیپال اور بنگلہ دیش کے بعد بھارت میں کاکروچ پارٹی کی جین زی انقلابی تحریک زور پکڑ رہی ہے۔ رائٹرز کے مطابق بے روزگاری، کرپشن اور پیپر لیک کے مسائل نے کروڑوں طلبہ کی زندگیوں کو متاثر کیا ہے، جو اس تحریک کے محرکات ہیں۔
سینئر وکیل پرشانت بھوشن کے مطابق مودی حکومت بھارت میں کسی بھی جین زی انقلاب سے خوفزدہ ہے۔ ماہرین کا کہنا ہے کہ بھارت میں بڑھتی بے روزگاری اور کرپشن پر نوجوانوں کا غصہ حقیقی ردعمل ہے، اور مودی حکومت کی پالیسیاں عوامی غم و غصے کا سبب بن رہی ہیں۔
