بیجنگ (شِنہوا) چین کی سائبر سپیس انتظامیہ (سی اے سی) نے مصنوعی ذہانت (اے آئی) کے ذریعے پھیلائی جانے والی غلط معلومات اور بدنیتی پر مبنی مواد کے خلاف چار ماہ پر مشتمل ایک مہم شروع کر دی ہے۔
سی اے سی نے کہا کہ یہ مہم اے آئی کے غلط استعمال کو روکنے کے لئے ہے، جس کے ذریعے غلط معلومات تیار اور پھیلائی جاتی ہیں، نابالغوں کے حقوق کی خلاف ورزی کی جاتی ہے اور روایتی ثقافتی ورثے اور کلاسیکی ادبی متون کو مسخ یا غلط انداز میں پیش کیا جاتا ہے۔
اس مہم میں اے آئی کے ذریعے تیار کردہ ناقص معیار کے مواد کو بھی نشانہ بنایا گیا ہے جسے “ڈیجیٹل کچرا” کہا جاتا ہے، یعنی ایسا مواد جس میں غیر واضح منطق، نقصان دہ اقدار اور بگڑی ہوئی ثقافتی بیانیہ شامل ہو۔
مہم کے دوران بڑے اے آئی ماڈلز کی رجسٹریشن کی پابندی، حفاظتی جانچ کے نظام اور تربیتی ڈیٹا سیٹس کی سکیورٹی کا بھی جائزہ لیا جائے گا۔
سی اے سی کے ایک عہدیدار نے زور دیا کہ یہ مہم اے آئی سروسز کی منظم ترقی کو فروغ دینے اور انٹرنیٹ صارفین کے جائز حقوق اور مفادات کے تحفظ کے لئے نہایت اہم ہے۔
