بیجنگ (شِنہوا) چین کے متعدد سرکاری محکموں نے ای کامرس کے شعبے کی اعلیٰ معیار کی ترقی کو فروغ دینے کے لئے مشترکہ طور پر رہنما اصول جاری کئے ہیں جن کا مقصد حقیقی معیشت کی حمایت میں اس کے کردار کو مضبوط بنانا ہے۔
دستاویز میں ڈیجیٹل اور حقیقی معیشت کے انضمام کو گہرا کرنے کے لئے اہم اقدامات کا خاکہ پیش کیا گیا ہے جس میں ای کامرس کے ذریعے چھوٹے اور درمیانے درجے کے کاروباروں اور دیہی علاقوں کو بااختیار بنانا، صنعتی ڈیجیٹلائزیشن کو فروغ دینا اور صارفین کے معیار کو بہتر بنانے کے لئے تکنیکی جدت کی حوصلہ افزائی شامل ہے۔
اس میں اعلیٰ معیار کے بیرونی کھلے پن کو وسعت دینے کی کوششوں پر بھی زور دیا گیا ہے جس کے تحت سرحد پار ای کامرس اور سلک روڈ ای کامرس اقدام کو آگے بڑھایا جائے گا جبکہ ڈیجیٹل تجارت جیسے شعبوں میں بین الاقوامی قواعد سے ہم آہنگی کو فروغ دیا جائے گا۔
معاون اقدامات میں مالیاتی خدمات کو بہتر بنانا، ڈیٹا کے عناصر کی قدر کو فعال کرنا اور صنعت کے لئے افرادی قوت کی تربیت کو مضبوط بنانا شامل ہے۔
وزارت تجارت نے یہ بھی عہد کیا ہے کہ وہ متعلقہ محکموں کے ساتھ مل کر ان رہنما اصولوں کے موثر نفاذ کو یقینی بنائے گی۔
