بیجنگ (شِنہوا) چینی کاروباری اداروں نے جنوری میں مجموعی طور پر مضبوط کریڈٹ حیثیت برقرار رکھی۔
ریاستی انتظامیہ برائے مارکیٹ ریگولیشن کا جاری کردہ چائنہ انٹرپرائز کریڈٹ انڈیکس جنوری میں 161.79 پر رہا جو ماہانہ بنیاد پر 0.53 پوائنٹس کی معمولی کمی ظاہر کرتا ہے تاہم یہ اب بھی بلند سطح پر برقرار ہے جو کارپوریٹ کریڈٹ اہلیت میں مسلسل مثبت رجحان کی نشاندہی کرتا ہے۔
کاروباری اعتماد، عملی صلاحیت اور باہمی رابطے سے متعلق ذیلی اشاریے بھی مستحکم رہے۔ تاہم مالی حیثیت، ضابطہ جاتی تعمیل اور نگرانی سے متعلق پیمانوں میں معمولی کمی دیکھی گئی۔
اعداد و شمار سے یہ بھی ظاہر ہوا کہ جنوری میں دو تہائی صنعتوں کے کریڈٹ اشاریوں میں ماہانہ بنیادوں پر اضافہ ریکارڈ کیا گیا۔ یوٹیلٹیز، ٹرانسپورٹ، گودام اور ڈاک کی خدمات جیسے شعبوں نے گزشتہ 3 ماہ کے دوران مسلسل اضافہ ریکارڈ کیا ہے جو عوامی زندگی سے قریبی تعلق رکھنے والی صنعتوں کے کریڈٹ ماحول میں مسلسل بہتری کی نشاندہی کرتا ہے۔
