ٹوکیو(شِنہوا)11 ویں ویں چین-جاپان تعلیمی تبادلہ کانفرنس ٹوکیو میں منعقد ہوئی جہاں 100 سے زائد یونیورسٹیوں اور تعلیمی اداروں کے نمائندے دوطرفہ تعلیمی تعاون کی نئی سمتوں پر بات چیت کے لئے جمع ہوئے۔
کانفرنس کا موضوع "باہم سیکھنا اور مشترکہ جدت — چین-جاپان تعلیمی تبادلے کی اگلے دہائی کی طرف نظر” تھا اور اس میں تقریباً ایک ہزار معلمین اور ماہرین نے بھی شرکت کی۔
چین کے سفارت خانے کے منسٹر کونسلر ژاؤ باؤ گانگ نے کہا کہ تعلیمی تبادلہ چین-جاپان تعلقات کا ایک اہم اور طویل المدتی جزو ہے۔
انہوں نے بتایا کہ اس وقت تقریباً ایک لاکھ 30ہزار چینی طلبہ جاپان میں تعلیم حاصل کر رہے ہیں اور 600 سے زائد جاپانی ہائی سکولوں میں چینی زبان کے کورسز پڑھائے جا رہے ہیں۔
ژاؤ باؤ گانگ نے کہا کہ دونوں ممالک میں یونیورسٹیوں کے درمیان تعاون کے 9 ہزار سے زائد معاہدے کئے جا چکے ہیں۔ انہوں نے امید ظاہر کی کہ یہ کانفرنس دوطرفہ تعلیمی تعلقات میں نیا جوش پیدا کرے گی اور چین-جاپان تعلقات کی طویل المدتی ترقی میں معاون ثابت ہوگی۔
یونیورسٹی آف ٹوکیو کے ایسوسی ایٹ منیجنگ ڈائریکٹر تاکافومی یاماموتو نے نوجوان طلبہ کے لئے زیادہ بین الاقوامی مواقع فراہم کرنے کی اہمیت پر زور دیا۔
کانفرنس کے دوران 5 موضوعاتی ذیلی فورمز بھی منعقد کئے گئے، جن میں چین-جاپان یونیورسٹی صدر فورم، بنیادی تعلیم فورم اور پیشہ ورانہ تعلیم تبادلہ اجلاس شامل ہیں جو عالمگیریت، ہنر کی تربیت اور ادارتی تعاون پر مرکوز تھے۔
یہ تقریب چائنہ ایجوکیشن ایسوسی ایشن برائے بین الاقوامی تبادلہ کی میزبانی میں ہوئی اور جاپان- چین ثقافتی تبادلہ مرکز اور چھویو یونیورسٹی کے اشتراک سے منعقد کی گئی۔
