اسلام آباد: صدر آصف علی زرداری نے کہا ہے کہ پاکستان کا آئین اقلیتوں کو مکمل مذہبی آزادی، مساوی حقوق اور تحفظ فراہم کرتا ہے، سکھ برادری وطنِ عزیز کی ترقی و خوشحالی میں نمایاں کردار ادا کر رہی ہے،بیساکھی کے تہوار پر اپنے پیغام میں صدر مملکت نے پاکستان اور دنیا بھر میں مقیم سکھ برادری کو بیساکھی کے پرمسرت موقع پر دلی مبارکباد پیش کرتے ہوئے کہا کہ بیساکھی پاکستان کی خوبصورتی اس کی ثقافتی اور مذہبی تنوع کی علامت ہے۔
صدر آصف علی زرداری نے کہا کہ میں سکھ برادری کی خوشیوں، ترقی اور سلامتی کے لئے دعاگو ہوں۔ صدر مملکت نے کہا کہ سکھ برادری وطنِ عزیز کی ترقی و خوشحالی میں نمایاں کردار ادا کر رہی ہے، بین المذاہب ہم آہنگی، رواداری اور پرامن بقائے باہمی کے اصولوں پر قائم رہنے کیلئے پرعزم ہیں۔
