کو ٹا کینابا لو( شِنہوا) ملائیشیا کی ریاست صباح کے دارالحکومت کوٹا کینابالو میں منعقد ہونے والی ملائیشیا۔چائنہ دوڑ 2026 میں 5 ہزار سے زائد افراد نے شرکت کی۔
اس تقریب کا اہتمام صباح میں قائم ملائیشیا۔چائنہ فر ینڈ شپ ایسو سی ایشن نے اتوار کے روز کیا۔ تقریب کا مقصد دونوں ممالک کے درمیان سفارتی تعلقات کے قیام کی 52 ویں سالگرہ کے موقع پر باہمی دوستی اور عوامی سطح کے روابط کو مزید فروغ دینا تھا۔
صبح سویرے دوڑ کے آغاز کا اشارہ ملتے ہی مختلف قومیتوں اور عمر کے افراد نے پُرجوش ماحول میں دوڑ شروع کی۔متعدد شرکا اپنی اپنی ٹیمز کی نمائندگی کرنے والے جھنڈے لہرا رہے تھے ۔
کوٹا کینابالو میں چین کے قونصل جنرل ژو شینگ لونگ نے کہا کہ یہ دوڑ محض کھیلوں کی ایک سرگرمی نہیں بلکہ صباح کی مختلف برادریوں کے لوگوں کے درمیان روابط بڑھانے اور چین۔ملائیشیا تعلقات کو مزید مضبوط بنانے کا ایک مئوثر پلیٹ فارم بھی ہے۔
ملائیشیا کے نائب وزیر برائے زراعت اور غذائی تحفظ چھان فونگ ہن نے کہا کہ یہ تقریب دونوں ممالک کے عوام کے درمیان رابطوں اور تبادلوں کے فروغ کا ایک اہم ذریعہ بن چکی ہے۔
مسلسل ساتویں سال منعقد ہونے والی یہ دوڑ صباح میں چین اور ملائیشیا کے عوام کے درمیان دوستی، باہمی سمجھ بوجھ اور روابط کو فروغ دینے والی ایک نمایاں تقریب کی حیثیت اختیار کر چکی ہے۔
