بیجنگ (شِنہوا) چین اور یورپی یونین نے تجارتی اور سرمایہ کاری مشاورتی میکانزم کے باضابطہ قیام کی تصدیق کی ہے جس کے بعد دونوں فریقوں نے اس میکانزم کا پہلا اجلاس منعقد کیا۔
منگل کو جاری ہونے والے ایک مشترکہ بیان کے مطابق دونوں فریقوں نے اس میکانزم کے تحت کام کے چار ابتدائی شعبوں کی نشاندہی کی ہے جن میں تجارت اور سرمایہ کاری میں توازن، برآمدات پر کنٹرول، تخلیقی ملکیتی حقوق اور عالمی تجارتی تنظیم میں اصلاحات شامل ہیں۔
چین کے وزیر تجارت وانگ وین تاؤ اور یورپی کمشنر برائے تجارت، اقتصادی سلامتی، بین الادارہ جاتی تعلقات اور شفافیت ماروس سیف کووچ نے پیر کے روز برسلز میں اس میکانزم کے پہلے اجلاس کی مشترکہ صدارت کی۔
بیان کے مطابق دونوں فریقوں نے اہم اقتصادی اور تجارتی امور پر جامع، تفصیلی اور تعمیری بات چیت کی۔
دونوں فریقوں نے مشترکہ نگرانی کا میکانزم قائم کرنے پر بھی اتفاق کیا ہے۔
