زیورخ (لارڈ میڈیا): فیفا ورلڈ کپ 2026 کے شائقین کا جوش بڑھتا جا رہا ہے اور اس کے ساتھ ہی اس سنہری ٹرافی کی قیمت بھی موضوعِ بحث بنی ہوئی ہے۔ اس ٹرافی کی موجودہ مارکیٹ قیمت تقریباً 2 لاکھ پچاس ہزار امریکی ڈالر ہے، جو اس کے سونے اور قیمتی پتھروں کی بنیاد پر ہے۔ تاہم ماہرین کا کہنا ہے کہ اس کی نیلامی کی صورت میں قیمت 2 کروڑ امریکی ڈالر سے بھی زیادہ ہو سکتی ہے۔
یہ ٹرافی 37 سینٹی میٹر اونچی ہے اور 18 قیراط سونے سے بنی ہوئی ہے جس کا وزن تقریباً 6 کلوگرام ہے۔ اس کا ڈیزائن اطالوی مجسمہ ساز سلویو گازانیگا نے 1970 میں تیار کیا تھا۔ ٹرافی کی داخلی ساخت خالی رکھی گئی ہے تاکہ کھلاڑی اسے آسانی سے اٹھا سکیں۔
ورلڈ کپ جیتنے والی ٹیم کو اصل ٹرافی مستقل طور پر نہیں دی جاتی بلکہ فیفا اسے اپنی ملکیت میں رکھتا ہے۔ جیتنے والی ٹیم کو یادگار کے طور پر کانسی کی ٹرافی دی جاتی ہے۔
