کیف (شِنہوا) یوکرین کے صدر وولودیمیر زیلنسکی نے کہا ہے کہ یوکرین آئندہ ماہ متحدہ عرب امارات کے دارالحکومت ابوظہبی میں امریکہ اور روس کے ساتھ سہ فریقی اجلاس منعقد کرنے کے لئے تیار ہے۔
انٹرفیکس یوکرین نیوز ایجنسی کے مطابق زیلنسکی نے امریکی تھنک ٹینک ہڈسن انسٹی ٹیوٹ سے آن لائن خطاب کرتے ہوئے کہا کہ مذاکراتی ٹیموں کی سطح پر اجلاس کے وقت کا انحصار روسی فریق پر ہے، تاہم فی الحال یہ اجلاس نومبر کے پہلے نصف میں منعقد کرنے کی منصوبہ بندی کی گئی ہے۔
انہوں نے کہا کہ یورپی نمائندوں کو بھی اس اجلاس میں شرکت کرنی چاہیے۔
زیلنسکی نے رہنماؤں کی سطح پر سہ فریقی مذاکرات منعقد کرنے کی ضرورت پر بھی زور دیا۔ انہوں نے کہا کہ تکنیکی سطح کے مذاکرات سے آگے بڑھ کر رہنماؤں کی ملاقات ضروری ہے، کیونکہ اہم معاملات صرف اعلیٰ ترین سطح پر ہی حل کئے جا سکتے ہیں۔
