بیجنگ(شِنہوا) چینی وزارت خارجہ کے ترجمان گو جیاکن نے کہا ہے کہ چین نے امریکہ پر زور دیا ہے کہ وہ بیرونی خلا میں فوجی سرگرمیوں میں توسیع کا سلسلہ بند کرے اور ٹھوس اقدامات کے ذریعے عالمی تزویراتی استحکام برقرار رکھے۔
گو نے یہ بات منگل کے روز ایک معمول کی پریس بریفنگ کے دوران اس سوال کے جواب میں کہی جس میں امریکہ کی جانب سے خلا میں ہتھیارنصب کیے جانے کی تصدیق سے متعلق پوچھا گیا تھا۔
گو نے مزید کہا کہ چین بیرونی خلا کے پرامن استعمال اور اسے محفوظ رکھنے کا حامی ہے اور بیرونی خلا میں ہتھیاروں کی دوڑ یا اسے ہتھیاروں سے لیس کرنے اور جنگی میدان میں تبدیل کرنے کی کسی بھی کوشش کی مخالفت کرتا ہے۔
