ریاض (شِنہوا) سعودی عرب کے دارالحکومت ریاض کا شاہ خالد بین الاقوامی ایئر پورٹ سابقہ حملوں کے باعث پروازوں کی معطلی کے بعد اتوار کے روز جزوی طور پر دوبارہ فعال کیا گیا۔
ایئرپورٹ کی انتظامیہ کے مطابق اندرون ملک پروازوں کے لئے ٹرمینل 1 اور قومی ایئر لائنز کی بین الاقوامی پروازوں کے لئے ٹرمینل 2 کو مختص کیا جائے گا۔
قبل ازیں ایئرپورٹ کو ہدف بنا کر کئے گئے حملوں میں متعدد افراد ہلاک اور زخمی ہوئے تھے جس کے باعث سعودی عرب کی جنرل اتھارٹی آف سول ایوی ایشن کو ہوائی اڈے کی سرگرمیاں عارضی طور پر معطل کرنا پڑیں۔
سعودی حمایت یافتہ یمنی حکومتی فوجوں کی جانب سے حوثیوں کے قبضے والے علاقے واگزار کرانے کے لئے کارروائیاں شروع کئے جانے کے بعد سے حوثی باغیوں نے حال ہی میں سعودی عرب پر حملوں میں اضافہ کیا ہے۔
