پیرس (لارڈ میڈیا): ونسنٹ وین گوو کی 1889 کی تخلیق ‘دی اسٹاری نائٹ’ میں آسمان کا حقیقی منظر دریافت ہوا ہے۔ سائنس دانوں کا کہنا ہے کہ یہ پینٹنگ 22 جولائی 1889 کے قریب فرانس کے سینٹ ریمی کے طلوع آفتاب سے پہلے کے منظر کو پیش کرتی ہے۔
محققین نے مختلف سائنسی طریقوں سے پینٹنگ میں آسمان کے منظر کی تشریح کی کوشش کی ہے۔ انہوں نے بتایا کہ پینٹنگ میں دکھائے گئے ستاروں کا جھرمٹ برج ثور میں موجود ہایڈیز سے مطابقت رکھتا ہے۔
ماضی میں اس پینٹنگ پر مختلف تحقیقات کی گئی تھیں جن کے نتائج مختلف تھے، تاہم نئی تحقیق نے اس کے حقیقی منظر کو واضح کر دیا ہے۔ محققین نے وین گوو کے قلمی خاکے کو بھی آسمان کے منظر سے قریب تر پایا ہے۔
جنوبی کوریا کی کیونگ ہی یونیورسٹی کے پی ایچ ڈی طالب علم ایلیاہ جیونگ ہیون کم نے کہا کہ سابقہ تحقیقات کے برعکس یہ پینٹنگ برج حمل کے بجائے برج ثور کو ظاہر کرتی ہے۔ ان کا کہنا ہے کہ یہ پینٹنگ اپنی جانب متوجہ کرتی ہے۔
