بیجنگ (شِنہوا) چینی صدر شی جن پھنگ نے جمعرات کے روز چین کی جانب سے ریڈ آرمی کے لانگ مارچ کی فتح کی 90ویں سالگرہ منانے کے موقع پر نئے لانگ مارچ میں نئی کامیابیاں حاصل کرنے پر زور دیا ہے۔
شی جن پھنگ، جو کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین بھی ہیں، نے اس سالگرہ کے سلسلے میں بیجنگ میں منعقدہ ایک تقریب سے خطاب کرتے ہوئے کہا کہ ’’صرف تاریخ کو یاد رکھ کر ہی ہم ایک روشن مستقبل تشکیل دے سکتے ہیں۔‘‘
شی جن پھنگ کی تجویز پر تمام شرکاء کھڑے ہو گئے اور لانگ مارچ کے دوران اور چین بھر میں انقلابی جدوجہد کے دوران اپنی جانیں قربان کرنے والے انقلابی ہیروز کی یاد میں ایک منٹ کی خاموشی اختیار کی۔
شی جن پھنگ نے کہا کہ اکتوبر 1934 سے اکتوبر 1936 تک ریڈ آرمی نے لانگ مارچ کے دوران 10 سے زائد صوبوں کا سفر کیا اور چینی انقلاب میں ایک نئے باب کا آغاز کیا۔
انہوں نے کہا کہ ’’یہ عظیم انقلابی کارنامہ ہماری پارٹی، ملک اور فوج کی تاریخ میں غیر معمولی اہمیت رکھتا ہے اور چینی قوم کی نشاۃ ثانیہ کی جانب ہمارے سفر پر اس کے گہرے اثرات مرتب ہوئے ہیں۔‘‘
