کیلیفورنیا (لارڈ میڈیا): مصنوعی ذہانت کی کمپنی اینتھروپک نے اعلان کیا ہے کہ اس کے اے آئی سسٹم کلاؤڈ نے انسانی جسم میں ایک نیا انزائم سسٹم دریافت کیا ہے جو پہلے نامعلوم تھا۔ کمپنی نے اس کو جینیاتی تحقیق میں انقلابی ٹیکنالوجی CRISPR سے مشابہ قرار دیا ہے۔
اینتھروپک کے مطابق، یہ دریافت ابھی ابتدائی مرحلے میں ہے اور اس نظام کے حقیقی افعال کو سمجھنے کے لیے مزید تحقیق کی ضرورت ہے۔ تاہم، کمپنی نے کہا کہ یہ قبل از وقت ہوگا کہ نیا نظام CRISPR کی طرح استعمال کیا جا سکتا ہے یا نہیں۔
CRISPR جینیاتی تحقیق اور ڈی این اے میں تبدیلی کے لیے اہم ٹیکنالوجی ہے، جس پر 2020 میں کیمسٹری کا نوبیل انعام دیا گیا تھا۔ اینتھروپک نے پہلی بار اپنے کیلیفورنیا میں قائم حیاتیاتی تحقیقاتی لیب کے بارے میں عوامی سطح پر معلومات فراہم کی ہیں۔
کمپنی کے مطابق، اس لیب میں کلاؤڈ کے ذریعے حیاتیاتی تحقیق سے متعلق مفروضے تیار کیے جاتے ہیں، جنہیں حقیقی تجربات کے ذریعے جانچا جاتا ہے۔ اینتھروپک نے کہا کہ نئے انزائم سسٹم کی اہمیت اور ممکنہ استعمال کے بارے میں حتمی نتائج کے لیے مزید تجربات درکار ہوں گے۔
