اسلام آباد (لارڈ میڈیا): آئل اینڈ گیس ریگولیٹری اتھارٹی (اوگرا) نے ستمبر 2026 کے لیے آر ایل این جی کی قیمتوں میں 20 سے 22 فیصد تک کمی کا اعلان کیا ہے۔
اوگرا کے اعلامیے کے مطابق، سوئی ناردرن گیس پائپ لائن لمیٹڈ (ایس این جی پی ایل) کی ٹرانسمیشن قیمت میں 19.99 فیصد اور ڈسٹری بیوشن قیمت میں 20.14 فیصد کمی کی گئی ہے۔
سوئی سدرن گیس کمپنی لمیٹڈ (ایس ایس جی سی ایل) کے لیے بھی ٹرانسمیشن قیمت میں 21.53 فیصد کمی کی گئی ہے۔
ریگولیٹر نے وضاحت کی ہے کہ قیمتوں میں یہ تبدیلی صرف ستمبر کے لیے ہوگی اور یہ درآمدی گیس کی سپلائی اور متعلقہ کیٹیگریز پر لاگو ہوگی۔
اوگرا کے مطابق، نئی قیمتوں کا تعین متعلقہ عوامل کو مدنظر رکھتے ہوئے کیا گیا ہے، جس سے گیس کمپنیوں کی لاگت اور صارفین پر اثر پڑے گا۔
