بیجنگ (شِنہوا) چین کی وزارت خزانہ نے پیر کو کہا ہے کہ وہ 300 ارب یوآن (تقریباً 44.25 ارب امریکی ڈالر) کے خصوصی سرکاری بانڈز جاری کرے گی۔ اس رقم سے مرکزی حکومت کے براہ راست انتظام میں کام کرنے والے آٹھ سرکاری مالیاتی اداروں کے بنیادی سرمائے میں اضافہ کیا جائے گا۔
وزارت خزانہ کی جانب سے جاری مراسلے کے مطابق اس اقدام سے ان مالیاتی اداروں کی کارکردگی، خطرات سے نمٹنے کی صلاحیت اور حقیقی معیشت کو خدمات فراہم کرنے کی استعداد مزید مضبوط ہونے کی توقع ہے۔ اس کے نتیجے میں ملک کی مستحکم اور صحت مند معاشی ترقی کے لئے مزید مضبوط معاونت فراہم ہوگی۔
