قاہرہ (شِنہوا) چینی صدر شی جن پھنگ کی اہلیہ پینگ لی یوآن نے مصری صدر عبدالفتاح السیسی کی اہلیہ انتصار السیسی کے ساتھ چائے پر گفتگو کی اور دستکاری کی ایک مختصر نمائش کا دورہ کیا۔
پینگ لی یوآن نے انتصار السیسی کے ساتھ چین اور مصر کی دوستی اور عوامی سطح پر روابط کے فروغ پر دوستانہ تبادلہ خیال کیا۔
چینی صدر شی جن پھنگ کی اہلیہ پینگ لی یوآن، مصر کے صدر عبدالفتاح السیسی کی اہلیہ انتصار السیسی کے ہمراہ مصر کے دارالحکومت قاہرہ میں دستکاری کی ایک مختصر نمائش کا دورہ کر رہی ہیں۔(شِنہوا)
پینگ لی یوآن نے کہا کہ مصر کی تاریخ بہت قدیم اور ثقافتی ورثہ نہایت شاندار ہے۔ انہوں نے کہا کہ نمائش میں رکھی گئی خوبصورت اور نفیس اشیاء نے مصری عوام کی ذہانت اور منفرد جمالیاتی ذوق کو بھرپور انداز میں اجاگر کیا۔
پینگ لی یوآن نے کہا کہ چین اور مصر میں بہت سی ثقافتی مماثلتیں پائی جاتی ہیں۔ انہوں نے امید ظاہر کی کہ دونوں ممالک کے فنکار تعاون اور تبادلے کو مزید مضبوط کریں گے تاکہ روایتی دستکاری کو ایک دوسرے سے سیکھنے اور ورثے کو آگے بڑھانے کے ذریعے نئی زندگی اور تازگی ملتی رہے۔
