لاہور (لارڈ میڈیا) یوم آزادی کے موقع پر واہگہ اور گنڈا سنگھ بارڈر پر پروقار تقریبات منعقد کی گئیں جن میں عوام کی بڑی تعداد نے شرکت کی۔ شرکا قومی جذبے سے سرشار نظر آئے اور پاکستان زندہ باد کے نعرے بلند کیے۔
واہگہ بارڈر پر تقریب کا آغاز قومی ترانے سے ہوا جہاں شرکا نے قومی پرچم لہرائے اور وطن عزیز سے محبت کا اظہار کیا۔ تقریب میں مختلف طبقات سے تعلق رکھنے والے افراد نے جوش و خروش سے حصہ لیا۔
گنڈا سنگھ بارڈر پر پنجاب رینجرز کے جوانوں نے شاندار پریڈ کا مظاہرہ کیا جس نے شرکا کے جذبے کو مزید بڑھا دیا۔ تقریب کے دوران پاکستان زندہ باد کی صدائیں بلند ہوتی رہیں۔
بلوچستان کے مختلف علاقوں میں بھی یوم آزادی کی تقریبات کا سلسلہ جاری رہا۔ تربت، خاران، اور تفتان میں ریلیاں نکالی گئیں جن میں شہریوں نے قومی پرچم اٹھا کر پاکستان سے محبت کا اظہار کیا۔
یوم آزادی کی تقریبات کے دوران شہریوں نے ملک کی ترقی و خوشحالی کے لیے کردار ادا کرنے کا عزم ظاہر کیا۔ مختلف شہروں میں جاری تقریبات نے قومی یکجہتی کو اجاگر کیا۔
