یروشلم (لارڈ میڈیا): اسرائیل کو نئی آئی این ایس ڈریکون آبدوز موصول ہو گئی ہے۔ یہ تقریب بغیر کسی تشہیر کے انجام دی گئی۔ آئی این ایس ڈریکون آبدوز ڈاکار کلاس کی ہے اور جرمنی میں تیار کی گئی ہے۔
یہ آبدوزیں جرمن کمپنی تھائیسنکرپ میرین سسٹمز کی تیار کردہ ہیں اور اسرائیلی بحریہ کی جدید ترین آبدوزوں میں شامل ہیں۔ ان میں طویل فاصلے تک خفیہ کارروائیاں کرنے، انٹیلی جنس جمع کرنے اور سمندر میں طویل عرصے تک رہنے کی صلاحیت موجود ہے۔
دفاعی تجزیہ کاروں کا کہنا ہے کہ اسرائیل کی ڈولفن کلاس آبدوزیں ممکنہ طور پر جوہری ہتھیار لے جانے کی صلاحیت رکھتی ہیں، تاہم اسرائیل نے اس کی باضابطہ تصدیق نہیں کی ہے۔
