سیئول (لارڈ میڈیا): جنوبی کوریا کے مشہور کے پاپ بینڈ بی ٹی ایس نے 2027 کے گریمی ایوارڈز میں شرکت نہ کرنے اور اپنی موسیقی نامزد نہ کرانے کا اعلان کر دیا ہے۔ یہ فیصلہ گریمی ایوارڈز میں ’بہترین ایشین پاپ میوزک پرفارمنس‘ کی نئی کیٹیگری کے تعارف کے بعد کیا گیا ہے۔
بی ٹی ایس نے اپنے بیان میں کہا ہے کہ موسیقی کی قدر فن اور معیار کی بنیاد پر ہونی چاہیے، نہ کہ زبان یا خطے کے اعتبار سے۔ گروپ کے مطابق یہی ان کے فیصلے کی بنیاد ہے۔
موسیقی کے مبصرین کا کہنا ہے کہ بی ٹی ایس کا یہ مؤقف ریکارڈنگ اکیڈمی کی نئی پالیسی پر واضح اعتراض ہے۔ ناقدین کے مطابق نئی کیٹیگریز سے ایشیائی فنکاروں کو مرکزی ایوارڈز کی دوڑ سے الگ کیا جا سکتا ہے۔
ریکارڈنگ اکیڈمی کے صدر ہاروی میسن جونیئر نے پچھلے ماہ ’بہترین ایشین پاپ میوزک پرفارمنس‘ اور ’بہترین لاطینی گیت‘ جیسی کیٹیگریز متعارف کرانے کا اعلان کیا تھا۔ ان کا کہنا تھا کہ یہ نئی کیٹیگریز مختلف اصناف کو سراہنے کے لیے ہیں۔
بی ٹی ایس کے اعلان پر ریکارڈنگ اکیڈمی کے چیف ایگزیکٹو آفیسر ہاروی میسن جونیئر نے اظہار افسوس کیا لیکن بی ٹی ایس کے مؤقف اور فیصلے کا احترام کیا۔
