لندن (لارڈ میڈیا): اینڈی برنہم برطانیہ کے نئے وزیراعظم بن گئے ہیں، بادشاہ چارلس سے اجازت ملنے کے بعد ان کی تقرری عمل میں آئی۔
برطانوی میڈیا کے مطابق، اینڈی برنہم نے بکنگھم پیلس میں برطانوی بادشاہ چارلس سے ملاقات کی، جہاں بادشاہ نے انہیں وزیراعظم کے عہدے کے لئے باضابطہ دعوت دی۔
اس سے قبل، کیئر سٹارمر نے بادشاہ کو اپنا استعفیٰ پیش کیا، جسے بادشاہ نے قبول کر لیا اور کیئر سٹارمر باضابطہ طور پر اپنے عہدے سے مستعفی ہو گئے۔
برطانیہ کی حکمران جماعت لیبر پارٹی نے اینڈی برنہم کو اپنا نیا سربراہ منتخب کر لیا ہے۔ برنہم، جو گریٹر مانچسٹر کے سابق میئر بھی رہ چکے ہیں، اب برطانیہ کے نئے وزیراعظم بن گئے ہیں۔
اینڈی برنہم نے اپنی سیاسی زندگی کا آغاز ویسٹ منسٹر میں ایک روایتی اندرونی سیاسی کردار کے طور پر کیا تھا۔ ان کا سیاسی سفر کئی دہائیوں پر محیط ہے حالانکہ انہیں رکنِ پارلیمان بنے ایک ماہ سے بھی کم عرصہ ہوا ہے۔
اُنہوں نے پہلی بار 2010 میں لیبر پارٹی کی قیادت کے لیے انتخاب لڑا اور پھر 2015 میں دوبارہ میدان میں اُترے، جہاں جیریمی کوربن سے پیچھے دوسرے نمبر پر رہے۔
