دبئی (لارڈ میڈیا): انٹرنیشنل کرکٹ کونسل (آئی سی سی) نے خواتین کھلاڑیوں کی فلاح کے لیے نئے اصول متعارف کر دیے ہیں، جو حمل اور زچگی کے بعد کرکٹ میں واپسی کو آسان بنائیں گے۔ ان اصولوں کا اعلان انگلینڈ میں جاری ویمنز ٹی ٹوئنٹی ورلڈ کپ کے دوران کیا گیا۔
آئی سی سی کی میڈیکل ایڈوائزری کمیٹی کی رکن ڈاکٹر فلپا اِنج کا کہنا ہے کہ یہ اقدام اس سوچ کو فروغ دیتا ہے کہ بچے کی پیدائش خاتون کرکٹر کے کیریئر کا اختتام نہیں ہونی چاہیے۔
نئے رہنما اصول جسمانی بحالی، ذہنی صحت، مرحلہ وار ٹریننگ، کرکٹ کے لیے مخصوص فٹنس اور مسلسل طبی نگرانی جیسے پہلوؤں پر مشتمل ہیں۔
اس کے علاوہ، بچوں کی دیکھ بھال، کھیل کے مقامات پر فیڈنگ کی سہولیات، لچکدار ٹریننگ ماحول اور سفری مدد کے بارے میں بھی تجاویز دی گئی ہیں۔
ویسٹ انڈیز کی آفی فلیچر اور پاکستان کی سابق کپتان بسمہ معروف سمیت کئی کھلاڑی زچگی کے بعد کامیاب واپسی کر چکی ہیں، جس سے اس اقدام کی اہمیت بڑھ گئی ہے۔
