بیجنگ (شِنہوا) چین کی وزارت خزانہ نے اس سال بچوں کی دیکھ بھال کی زراعانت کے لئے مرکزی حکومت کے فنڈز میں 99.9 ارب یوآن (تقریباً 14.65 ارب امریکی ڈالر) مختص کئے ہیں جو 2025 کے مقابلے میں 10.6 فیصد زیادہ ہے۔ یہ اقدام قومی چائلڈ کیئر سبسڈی نظام کو مضبوط بنانے کی کوششوں کا حصہ ہے۔
وزارت کے مطابق مقامی حکومتوں کے فنڈز کو شامل کرنے کے بعد 2026 میں مجموعی زراعانت تقریباً 110 ارب یوآن تک پہنچنے کی توقع ہے۔
وزارت نے بتایا کہ زراعانت کی تقسیم کا عمل بتدریج جاری ہے اور مختلف سطح پر صحت کے حکام اس کی جانچ اور ادائیگی کے عمل کے ذمہ دار ہیں۔
وزارت نے کہا کہ وہ قومی صحت کمیشن کے ساتھ مل کر ان فنڈز کا سخت انتظام جاری رکھے گی، نگرانی کو مضبوط بنائے گی اور بچوں کی پیدائش کے لئے سازگار معاشرے کی تشکیل میں مدد کرے گی۔
