بیجنگ (شِنہوا) چینی صدر شی جن پھنگ نے بیجنگ میں امریکی صدر ڈونلڈ ٹرمپ کے ساتھ مذاکرات کے دوران کہا کہ آبنائے تائیوان میں امن و استحکام کا تحفظ چین اور امریکہ کے درمیان سب سے بڑا مشترکہ مفاد ہے۔
شی جن پھنگ نے اس بات پر زور دیا کہ تائیوان کا معاملہ چین اور امریکہ تعلقات میں سب سے اہم مسئلہ ہے۔ انہوں نے ٹرمپ سے کہا کہ اگر اس معاملے کو درست طریقے سے سنبھالا جائے تو دوطرفہ تعلقات مجموعی طور پر مستحکم رہیں گے۔
شی جن پھنگ نے خبردار کیا کہ بصورت دیگر دونوں ممالک کے درمیان ٹکراؤ اور حتیٰ کہ تنازعات بھی پیدا ہو سکتے ہیں جس سے مکمل دوطرفہ تعلقات شدید خطرے میں پڑ جائیں گے۔ شی جن پھنگ نے اس بات پر زور دیا کہ ’’تائیوان کی آزادی‘‘ اور آبنائے تائیوان میں امن آگ اور پانی کی طرح ایک دوسرے کی ضد ہیں۔
