برطانیہ میں فرانس کے راستے چھوٹی کشتیوں کے ذریعے غیر قانونی داخل ہونیوالے افراد کی تعداد رواں سال 2لاکھ تک پہنچ گئی۔
غیر ملکی میڈیا کے مطابق سرحدی علاقوں میں فرانسیسی پولیس کی بھاری نفری تعینات ہونے کے باوجود انسانی سمگلنگ میں ملوث گروہ سرگرم ہونے کے باعث غیر قانونی سفر رک نہ سکا۔
میڈیا رپورٹ کے مطابق برطانیہ نے غیر قانونی مہاجرین کی آمد روکنے کیلئے فرانس کیساتھ کئی مشترکہ معاہدے کئے اور سخت قوانین بھی متعارف کروائے تاہم یہ اقدامات بھی موثر ثابت نہ ہو سکے۔
برطانوی میڈیا کے مطابق ڈنکرک کے قریب ریڈیسن بلو ہوٹل کے سامنے متعدد افراد کو چھوٹی کشتیوں پر سوار ہو کر برطانیہ روانہ ہوتے دیکھا گیا ہے۔
دوسری جانب فرانس نے کہا ہے کہ غیر قانونی نقل و حرکت روکنے کیلئے سمندری حدود میں کارروائیاں تیز کی ہیں، بڑی تعداد میں متعدد افراد کو گرفتار بھی کیا گیا ہے۔
