بیجنگ (شِنہوا) چین کی اعلیٰ مقننہ نے سماجی امداد سے متعلق ایک قانون منظور کر لیا، جس کا مقصد بنیادی معیار زندگی کے تحفظ کو مضبوط بنانا اور کمزور طبقات کے لئے ایک زیادہ مستحکم تحفظ کا نظام فراہم کرنا ہے۔
یہ قانون پیر سے جمعرات تک جاری رہنے والے قومی عوامی کانگریس کی قائمہ کمیٹی کے قانون ساز اجلاس کے دوران تیسرے جائزے کے بعد منظور کیا گیا۔
یہ قانون یکم جولائی 2026 سے نافذ العمل ہوگا۔
7 ابواب میں 78 دفعات پر مشتمل اس قانون میں عمومی اصول، مستحق افراد اور امداد کی اقسام، امدادی طریقہ کار، سماجی قوتوں کی شمولیت، نگرانی اور حفاظتی اقدامات، قانونی ذمہ داریاں اور دیگر امور شامل ہیں۔
سماجی امداد کا یہ قانون سماجی تحفظ سے متعلق قانون سازی کا ایک بنیادی حصہ ہے جو معیاری سماجی امداد کے فروغ اور اس بات کو یقینی بنانے کے لئے مضبوط قانونی ضمانت فراہم کرتا ہے کہ چین کے تمام عوام ملک کی اصلاحات اور ترقی سے مستفید ہوں۔
