اسلام آباد: چیئرمین پیپلزپارٹی بلاول بھٹو نے کہا ہے کہ معاشرے کی ترقی خواتین کے مساوی حقوق کے بغیر ممکن نہیں، ایسا ماحول تشکیل دینا ہوگا جہاں واتین کی آواز سنی جائے، وہ خود کو محفوظ محسوس کریں۔
یومِ خواتین پر جاری بیان میں بلاول بھٹو نے کہا کہ صنفی مساوات انصاف اور جمہوریت کا بنیادی اصول ہے، مادرِ ملت فاطمہ جناح کی جدوجہد امید کی روشن علامت ہیں جبکہ بیگم نصرت بھٹو کی قربانیوں اور جرات کو سلام پیش کرتا ہوں۔
انہوں نے کہا کہ بینظیر بھٹو شہید نے خواتین کیلئے قیادت کے دروازے کھولے۔انہوں نے کہا کہ معاشرے کی ترقی خواتین کے مساوی حقوق کے بغیر ممکن نہیں، ہر عورت کی آواز سنی جائے، قدر کی جائے اور احترام دیا جائے۔ انہوں نے کہا کہ ایسا ماحول تشکیل دینا ہو گا جہاں خواتین خود کو محفوظ محسوس کریں۔
