لاہور: لاہور ہائیکورٹ کو آگاہ کیا گیا ہے کہ بانی پی ٹی آئی کو 9 مئی واقعات کے بعد پنجاب کی حدود میں درج 59میں سے 26 مقدمات میں گرفتار کیا گیا۔پنجاب پولیس نے عدالتی حکم پر بانی پی ٹی آئی کی درج مقدمقات میں گرفتاری بارے رپورٹ جمع کروا دی۔
لاہورہائیکورٹ کو بتایا گیا ہے کہ بانی پی ٹی آئی کو 9 مئی واقعات کے بعد پنجاب کی حدود میں درج 59میں سے 26 مقدمات میں گرفتار کیا گیا،59مقدمات میں سے 21مقدمات میں بانی پی ٹی آئی ایف آئی آرز میں نامزد ہیں، 38مقدمات میں عمران خان کو سپلیمنٹری بیان کے بعد نامز کیا گیا۔
رپورٹ کے مطابق 18مقدمات میں بانی پی ٹی آئی کی بعد از گرفتاری ضمانتیں منظور ہوچکی ہیں جبکہ 2مقدمات میں بے گناہ قرار دیا جاچکا ہے۔رپورٹ کے مطابق بانی پی ٹی آئی کے خلاف درج 9مقدمات میں تفتیش مکمل نہیں ہوسکی۔
