لندن: میئر لندن صادق خان نے کہا ہے کہ میرے والدین نے پاکستان سے یہاں آکر محنت کی، سر کاخطاب ملنے پر خود کو بہت عاجز محسوس کر رہا ہوں، میرے والد کو بس ڈرائیور کی نوکری ملی تھی، والدہ کپڑے سیتی تھیں، اس ملک میں محنت کا صلہ ملتا ہے۔
سر کا خطاب ملنے کے بعد نجی ٹی وی کو انٹرویو میں صادق خان کہا کہ یہ اعزاز محنت کرنے والی پوری کمیونٹی کا ہے، سر کا اعزاز ملنے پر والدہ بہت جذباتی ہوگئی تھیں، ہم سب والد کو یاد کر رہے تھے۔
انہوں نے کہا میری کامیابی ٹیم ورک کا نتیجہ ہے اور یہ ایوارڈ بھی پوری ٹیم کے لیے ہے بادشاہ سے خاصے اچھے تعلقات ہیں، وزیراعظم بھی میرے دوست ہیں۔ انہوں نے کہا کہ بچے مذاق کر رہے ہیں کہ گھر میں آپ سر نہیں صرف ہمارے والد ہیں۔ واضح رہے کہ برطانیہ کے بادشاہ چارلس کی جانب سے سالِ نو کے موقع پر میئر لندن صادق خان کو نائٹ کے اعزاز سے نوازا ہے۔
