لاہور: پاکستان کرکٹ بورڈ(پی سی بی) کے چیئرمین محسن نقوی نے ٹی ٹوئنٹی ٹیم کی بہتری کے لیے اسٹرائیک فورس تشکیل دیدی۔اسٹرائیک فورس 50 نوجوان ہارڈ ہٹنگ بیٹرز پر مشتمل ہوگی، بیٹرز کی سلیکشن سابق آل راونڈر عبدالرزاق کی سربراہی میں ہوگی۔
پی سی بی ذرائع کے مطابق اسٹرائیک فورس کا مقصد ٹی 20 اسکواڈ کو نیا خون فراہم کرنا ہے، ایک سال میں نیا ٹیلنٹ تیار کر کے ٹی 20 اسکواڈ کا حصہ بنا دیا جائے گا۔ملک بھر سے میرٹ پر 50 ٹیلنٹڈ بیٹرز کی سلیکشن کی جائے گی، نوجوان ٹیلنٹ کو لمبے چھکے اور چوکے مارنے کی ٹریننگ دی جائے گی۔
