ممبئی (لارڈ میڈیا) بھارتی ہدایت کار نتیش تیواری کی فلم رامائن کے ٹریلر کے بعد سوشل میڈیا پر تنازع کھڑا ہوگیا ہے۔ ٹریلر میں سیتا اور کیکئی کے کرداروں کو سلے ہوئے بلاؤز میں دکھائے جانے پر اعتراض کیا جا رہا ہے۔
فلم میں رنبیر کپور، سائی پلوی، سنی دیول اور راکیش روشن شامل ہیں۔ سوشل میڈیا صارفین کا کہنا ہے کہ قدیم زمانے میں بلاؤز کا رواج نہیں تھا، اس لیے یہ جدید دور کا فیشن دکھائی دیتا ہے۔
تاریخ اور فیشن کے ماہرین کے مطابق سلے ہوئے بلاؤز کا رواج انگریزوں کے دور میں شروع ہوا تھا۔ پروفیسر میتالی امبیکر کہتی ہیں کہ قدیم زمانے میں کپڑے لپیٹے جاتے تھے نہ کہ سلے جاتے تھے۔
کاسٹیوم ڈیزائنر ندھی یاشا نے کہا کہ فلم میں کسی بھی فیصلہ کو سوچ سمجھ کر کیا جاتا ہے اور قدیم مجسموں کی مکمل نقل ممکن نہیں۔
دوسری طرف کاسٹیوم ڈیزائنرز رمپل اور ہرپریت نرولا نے تنقید کو مسترد کرتے ہوئے کہا کہ رامائن کے دور کے لباس کی کوئی مستند تصویر موجود نہیں ہے۔ ان کا مقصد سادگی اور عزت کو برقرار رکھنا تھا۔
فیشن ماہرین کا کہنا ہے کہ مذہبی فلموں میں لباس صرف ملبوسات نہیں بلکہ تاریخ، ثقافت، عقیدے اور سماجی تصورات سے بھی جڑے ہوتے ہیں۔
