کویت سٹی (لارڈ میڈیا): کویت نے اعلان کیا ہے کہ اس کے فضائی دفاعی نظام نے ایرانی ڈرون حملے کو ناکام بنا دیا ہے۔ حکام نے بتایا کہ یہ کارروائی ایران کی مبینہ جارحیت کے بعد کی گئی۔
کویتی فوج کے بیان کے مطابق فضائی دفاعی نظام مکمل طور پر متحرک ہے اور دشمن ڈرونز کو روکنے کے لیے مسلسل کارروائیاں جاری ہیں۔ فوج نے واضح کیا کہ مختلف علاقوں میں سنی جانے والی دھماکوں کی آوازیں فضائی دفاعی نظام کی کارروائی کا نتیجہ تھیں۔
فوجی حکام نے شہریوں سے اپیل کی ہے کہ وہ افواہوں پر کان نہ دھریں اور متعلقہ حکام کی ہدایات پر عمل کریں۔ کویتی حکام نے حملوں کی مزید تفصیلات، ممکنہ نقصان یا جانی نقصان کے بارے میں کوئی معلومات فوری طور پر جاری نہیں کیں۔
