لاہور: پی ڈی ایم اے نے مون سون بارشوں کے نئے سپیل کی پیشگوئی کرتے ہوئے مری و گلیات میں لینڈ سلائیڈنگ کا خدشہ ظاہر کردیا۔ ترجمان پی ڈی ایم اے پنجاب کے مطابق مون سون بارشوں کا ایک اور اسپیل 28جولائی سے شروع ہوگا جو 31 جولائی تک جاری رہے گا۔
اس دوران راولپنڈی، اسلام آباد، مری، گلیات، اٹک، چکوال، جہلم، منڈی بہاؤالدین، لاہور، شیخوپورہ، سیالکوٹ، گجرات، گوجرانوالا ،حافظ آباد ،نارووال، ساہیوال، جھنگ، ٹوبہ ٹیک سنگھ، خوشاب، سرگودھا، میانوالی، ننکانہ صاحب، چنیوٹ، فیصل آباد اور اوکاڑہ میں بارش کا امکان ہے۔
ترجمان کے مطابق اس دوران ڈیرہ غازی خان، بھکر، بہاولپور، پاکپتن، وہاڑی، لودھراں، مظفر گڑھ اور راجن پور میں بھی بارشیں ہو سکتی ہے۔ترجمان نے کہا ہے کہ شدید بارشوں کے باعث مری اور گلیات میں لینڈ سلائیڈنگ کا خطرہ ہے، بارشوں کے باعث کچے مکانات اور مخدوش عمارتوں کو نقصان کا خدشہ ہے۔
پی ڈی ایم اے نے شہریوں کو احتیاط برتنے کی ہدایت کی ہے۔
