ہانگ کانگ (شِنہوا) "شی جن پھنگ کی قیادت میں چین کا طرز حکمرانی” کی پہلی جلد، جو روایتی چینی رسم الخط میں شائع کی گئی ہے، 36ویں ہانگ کانگ کتاب میلے کے افتتاح کے موقع پر باضابطہ طور پر پیش کی گئی۔
اس کتاب کو سینو یونائیٹڈ پبلشنگ (ہولڈنگز) لمیٹڈ نے شائع اور تقسیم کیا ہے۔ یہ ہانگ کانگ اور مکاؤ کے بڑے کتاب فروش مراکز پر دستیاب ہے۔
کتاب میں شِنہوا نیوز ایجنسی کی شائع کردہ 26 خصوصی رپورٹس اور شی جن پھنگ کی 41 تصویریں شامل ہیں، جو چین کو قومی احیا کی جانب گامزن کرنے میں ان کی دوراندیش قیادت کی جامع عکاسی کرتی ہیں۔ اس کے ساتھ ساتھ کتاب میں نئے دور کے لئے چینی خصوصیات کے حامل سوشلزم کے بارے میں شی جن پھنگ کے افکار کی نظریاتی قوت اور عملی اہمیت کو بھی اجاگر کیا گیا ہے۔
روایتی چینی رسم الخط میں اس ایڈیشن کی اشاعت سے توقع کی جا رہی ہے کہ یہ ہانگ کانگ اور مکاؤ کے قارئین کو نئے دور کے لئے چینی خصوصیات کے حامل سوشلزم کے بارے میں شی جن پھنگ کے افکار کو بہتر طور پر سمجھنے میں مدد ملے گی۔
تقریبِ رونمائی میں مرکزی حکام، ہانگ کانگ خصوصی انتظامی خطے کی حکومت کے عہدیداروں اور مختلف مقامی شعبہ ہائے زندگی کے نمائندوں نے شرکت کی۔
