تہران (لارڈ میڈیا): ایران کے شہید سپریم لیڈر آیت اللہ خامنہ ای کی نماز جنازہ آیت اللہ جعفر سبحانی پڑھائیں گے، ایرانی وزارت خارجہ نے یہ بتایا ہے۔ تاہم، تہران، قم اور مشہد میں نماز جنازہ پڑھانے والی شخصیت کے بارے میں مزید وضاحت نہیں کی گئی۔
تاریخی طور پر دیکھا جائے تو یہ ضروری نہیں کہ سپریم لیڈر کے انتقال پر ان کی نماز جنازہ نئے سپریم لیڈر ہی نے پڑھائی ہو۔ 1989 میں آیت اللہ خمینی کی نماز جنازہ سید محمد رضا گلپائیگانی نے پڑھائی تھی جبکہ آیت اللہ خامنہ ای اس وقت صف اول میں موجود تھے لیکن ابھی تک سپریم لیڈر منتخب نہیں ہوئے تھے۔
آیت اللہ خامنہ ای کی شہادت 28 فروری کو امریکہ اور اسرائیل کے مشترکہ حملے میں ہوئی۔ 8 مارچ کو نئے سپریم لیڈر آیت اللہ سید مجتبی خامنہ ای کا چناؤ ہوا، لیکن شہید سپریم لیڈر کی تدفین فوری نہیں کی گئی تھی۔
نماز جنازہ کے اجتماعات 4 سے 6 جولائی تک تہران میں، 7 جولائی کو قم میں ہوں گے، جبکہ 8 جولائی کو جسد خاکی عراق لے جایا جائے گا۔ 9 جولائی کو مشہد میں آخری نماز جنازہ ہوگی اور تدفین بھی وہیں کی جائے گی۔
نئے سپریم لیڈر کی سکیورٹی خدشات کی وجہ سے ان کا عوامی دیدار محدود ہو سکتا ہے، کیونکہ دشمن جنازے کو ہدف بنا سکتا ہے۔
