وینکوور (لارڈ میڈیا): فیفا ورلڈ کپ 2026 کے میچ میں سوئٹزرلینڈ نے الجزائر کو 0-2 سے شکست دے کر راؤنڈ 16 کے لیے کوالیفائی کر لیا۔ وینکوور اسٹیڈیم میں کھیلے گئے اس میچ میں ایمبولو نے 10 ویں منٹ میں پہلا گول کر کے سوئٹزرلینڈ کو برتری دلائی۔ الجزائر نے واپسی کی کوشش کی، لیکن سوئس دفاع نے ان کے مواقع کو محدود رکھا اور پہلے ہاف کا اختتام 0-1 پر ہوا۔
کھیل کے 46 ویں منٹ میں سوئٹزرلینڈ کے ڈین نڈوئے نے دوسرا گول کر کے برتری کو دگنا کیا۔ الجزائر نے خسارہ کم کرنے کی کوشش کی، لیکن سوئٹزرلینڈ کے مضبوط دفاع کے سامنے ناکام رہا اور میچ 0-2 سے سوئٹزرلینڈ کے نام رہا۔
اس فتح کے ساتھ سوئٹزرلینڈ مسلسل چوتھی بار فیفا ورلڈ کپ کے پری کوارٹر فائنل میں پہنچ گیا۔ سوئس ٹیم 7 جولائی کو وینکوور میں کولمبیا اور گھانا کے درمیان میچ کی فاتح ٹیم کا سامنا کرے گی۔
