کیف (لارڈ میڈیا): یوکرین کے صدر ولودیمیر زیلنسکی نے روسی صدر ولادیمیر پیوٹن کو جنگ بندی کی پیشکش کرتے ہوئے براہِ راست ملاقات کی دعوت دی ہے۔ زیلنسکی نے اپنے خط میں کہا ہے کہ جنگ نے دونوں ممالک کو نقصان پہنچایا ہے اور اب وقت آ گیا ہے کہ اس تنازع کے خاتمے کے لیے سنجیدہ اقدامات کیے جائیں۔ انہوں نے کہا کہ یوکرین مذاکرات کے دوران مکمل جنگ بندی کے لیے تیار ہے، لیکن اگر روس آمادہ نہیں ہوتا تو یوکرینی افواج لڑائی جاری رکھنے کی صلاحیت رکھتی ہیں۔
کریملن کے ترجمان نے کہا ہے کہ زیلنسکی کا خط ابھی تک پیوٹن کے سامنے پیش نہیں کیا گیا، تاہم روسی قیادت یوکرین کے ساتھ رابطے اور مذاکرات کے دروازے بند نہیں کر رہی۔
سینٹ پیٹرزبرگ اکنامک فورم کے دوران پیوٹن نے کہا کہ روس کا لوہانسک پر مکمل کنٹرول ہے اور یوکرین مزید علاقہ کھو سکتا ہے اگر جنگ جاری رہی۔ انہوں نے چین کے ساتھ فوجی تعاون کو جاری رکھنے کا عزم ظاہر کیا اور کہا کہ روس تنازع کو پرامن طریقے سے حل کرنے کے لیے تیار ہے بشرطیکہ مذاکرات میں روس کے مفادات کو مدنظر رکھا جائے۔
