بیجنگ (شِنہوا) چینی مین لینڈ آبنائے تائیوان کے دونوں جانب روابط اور تعاون کو فروغ دینے کے لئے حال ہی میں جاری کردہ 10 نئے اقدامات پر عملدرآمد آگے بڑھا رہی ہے۔
ریاستی کونسل کے تائیوان امور دفتر کے ترجمان چھن بن ہوا نے بدھ کے روز ایک پریس کانفرنس میں کہا کہ ڈیموکریٹک پروگریسو پارٹی (ڈی پی پی) کی قیادت کو چاہیے کہ وہ جلد از جلد مختلف پابندیاں ختم کرے اور آبنائے تائیوان کے دونوں طرف روابط اور تعاون کو معمول پر لانے اور باقاعدہ بنانے میں رکاوٹیں دور کرے۔
12 اپریل کو مین لینڈ نے 10 پالیسیوں اور اقدامات کا ایک پیکیج جاری کیا تھا تاکہ آبنائے تائیوان کے دونوں جانب تبادلوں اور تعاون کو فروغ دیا جا سکے۔ ان اقدامات میں شنگھائی اور فوجیان کے رہائشیوں کے لئے تائیوان کے انفرادی سفر کی بحالی کو فروغ دینا اور تائیوان کے پیداوار کنندگان کی اشیائے خورونوش کو مین لینڈ کی منڈی میں داخل ہونے میں آسانی فراہم کرنا شامل ہے۔
