کونمنگ (شِنہوا) چین-لاؤس ریلوے کی بین الاقوامی سروس نے اپنے آغاز کے تین برسوں میں 8 لاکھ سے زائد مسافر دورے نمٹائے۔
چائنہ ریلوے کونمنگ گروپ کے مطابق اتوار تک یہ ٹرین 3ہزار 190سے زائد دورے نمٹا چکی ہے جن کے ذریعے 120 سے زیادہ ممالک اور خطوں کے مسافروں نے سفر کیا۔
یہ ریلوے کونمنگ، شی شوانگ باننا، لوانگ پرابانگ اور وینتیان جیسے مقبول مقامات کو آپس میں ملاتی ہے جبکہ اس کے راستے میں 560 سے زائد سیاحتی مقامات آتے ہیں، جس کے باعث اسے سرحد پار سفر کے لئے ایک سنہری راستہ قرار دیا جا رہا ہے۔13 اپریل 2023 کو افتتاح کے بعد سے یہ سروس چین اور لاؤس کے درمیان سفر کرنے والوں کی اولین پسند بن چکی ہے۔
اس وقت کونمنگ اور وینتیان کے درمیان روزانہ 4 بین الاقوامی مسافر ٹرینیں چل رہی ہیں۔ ہر ٹرین میں سرحد پار سفر کرنے والوں کے لئے 420 نشستیں دستیاب ہیں جبکہ کونمنگ جنوبی ریلوے سٹیشن سے وینتیان تک سفر کا دورانیہ تقریباً 9 گھنٹے 36 منٹ ہے۔
