کیتھولک مسیحیوں کے مذہبی پیشوا پوپ لیو نے امریکی صدر ڈونلڈ ٹرمپ کے بیان پر ردِعمل دیتے ہوئے کہا ہے کہ تنقید کے باوجود جنگ کیخلاف آواز اٹھاتا رہوں گا، میں کسی بحث میں پڑنا نہیں چاہتا تاہم جنگ کیخلاف کھل کر بولتا رہوں گا۔
انہوں نے کہا کہ مسائل کے منصفانہ حل کیلئے امن، مکالمے اور ممالک کے درمیان کثیرالجہتی تعلقات کو فروغ دینا ضروری ہے۔
کیتھولک مسیحیوں کے مذہبی پیشوا نے مزید کہا کہ دنیا بھر میں بڑی تعداد میں لوگ تکلیف میں ہیں اور بے گناہ افراد مارے جا رہے ہیں، اس لیے ضروری ہے کہ کوئی کھڑا ہو کر یہ کہے کہ مسائل کا بہتر حل بھی ممکن ہے۔
پوپ لیو نے اس عزم کا اظہار کیا کہ عالمی سطح پر امن کے قیام اور تنازعات کے حل کیلئے اپنی کوششیں جاری رکھوں گا۔
